Ретроспективна изложба на фотографии и слушачка промоција на албумите Чоканче 1и2 и “Апсолутно романтично” ќе се одржи вечерва од 18.30 часот во Ликовната галерија од ЦК “Марко Цепенков”. Ќе се презентира развојниот пат од 40 години на групата Чоканче, чие прво појавување е на 12 март 1983 година, на Рок Парадата во киното Партизан во Битола, заедно со уште 13 локални групи.
Со енергичен настап и природен контакт со публиката, Чоканче веднаш се издвои промени рок сцената. Од 1986 година, групата настапува со авторски песни, снимани за Радио Битола и МРТ. Покрај прекините, групата е присутна повеќе од четири децении, носејќи ја својата енергија.
Меѓу 1994-1995, во студиото на Миодраг Неќак снимен е двојниот албум Чоканче 1и2, издаден на касета и промовиран во Битола, Штип и Скопје. Лани дел од песните беа реиздадени на винил, а наскоро ќе бидат достапни и на компакт диск.
Групата претрпуваше промени во составот, но остана верна на својот препознатлив звук. Денес во Чоканче се Паљачо, Скрочо, Крчо, Ќебапо и Алеко.
