По конститутивната седница на Советот и изборот на Билјана Кржеска за претседател на Советот и свечената седница на доделувањето на Третоноемвриските награди, на третото заседание, советниците од новиот состав, со мнозинство гласови, го верификуваа мандатот на Катерина Пузеска за член на Советот на општината. Тие ги усвоија предлог-решенијата за формирање на комисиите за функционирањето на Советот на општината. Со мнозинство гласови се формира комисија за за одбележување значајни настани, личности и празници, за финансирање, буџет и локален економски развој, за урбанизам, комунални дејности и заштита на животната средина, за општествени дејности и правата на децата, за статут и прописи, за елементарни непогоди, за месна самоуправа, за родова еднаквост и за изработка на програма за работа на Советот на за период 2025-2029 година.
Советот ја задолжи Комисијата за статут и прописи да изготви пречистен текст на Статутот на општината и да именува членови на Советот кои ќе учествуваат при склучување на бракови.
