Одбележан 3 ноември, денот кога пред 81 година градот беше конечно ослободен
“Борба за достоинствен живот, економски развој и иднина достојна за наследството што го носиме, е нашата борба денес за иднината во слободата што ја наследивме. Најголемиот предизвик за нашиот град не е надворешен непријател, туку апатијата и празните улици. Затоа нашата света должност е да создадеме услови младите да останат овде, да го градат својот живот и успех во Прилеп”.
Ова, меѓу другото го истакна градоначалникот Дејан Проданоски на свечената седница по повод Денот на ослободувањето, 3-то ноември. Заедно со Билјана Кржеска, претседателката на Советот на Општина Прилеп им ги врачија општинските награди „3 Ноември” на сограѓаните и институциите кои со своето дело го продолжија патот на хероите.
Награда за животно дело
• Рубенс Корубин – основоположник на нео-романтизмот во светски рамки
• Јове Магдески (постхумно) – особен придонес за фудбалот во Прилеп
Награди – Плакети
• Микросам Прилеп – 35 години успешно постоење
• Народен театар „Војдан Чернодрински” – 75 години културно творештво
• НВО „Ханд Тилл Ханд” – Кралство Шведска – хуман и општествен ангажман во здравствената заштита
• Интеракт клуб Гимназија „Мирче Ацев” –млади ентузијасти посветени на солидарност и хуманост
• Извиднички одред „Феникс” – по повод 10 години постоење
Награди – Дипломи
• Елизабета Митреска – особен придонес во новинарството
• Петре Кироваков – поет и активист во Здружението на протераните Македонци од Егејска Македонија
• д-р Биљана Консулоска Гвероска – научни публикации од областа на земјоделството и акроекологијата
• Владимир Ѓорѓиески – репрезентативец на Македонија во билијард
Рамка: ЅВЕЗДА ЗА КОСТА СМИЛЕСКИ
Со членовите на семејството, беше откриена ѕвездата на патеката на познати славни прилепчани посветена на музичкиот деец Коста Смилески.
– Смилески остави неизбришливи траги во културниот живот на Прилеп, со својата посветеност, талент и љубов кон музиката и театарот, ја збогати нашата традиција и создаде наследство кое ќе инспирира многу идни генерации – рече градоначалникот Проданоски.
Од 2016 година немаше поставено нова ѕвезда на патеката на славните прилепчани која се наоѓа пред Центарот за култура “Марко Цепенков”.
