Изложба
Изложбата “Врбјанска Чука, зрно по зрно, погача”, ќе биде отворена вечерва од 19 часот во Заводот и музеј. Поставката е плод на долгогодишната соработка меѓу Заводот и музеј и Центарот за истражување на предисторијата, насочена на проучување на овој археолошки локалитет во Пелагонија.
Ќе бидат претставени најновите резултати од мултидисциплинарните истражувања со повеќе македонски и европски институции, а кои дадоа сосема ново видување на овој мошне значаен локалитет за македонската и светската археологија. Тие ќе бидат изложени заедно со прекрасните артефакти откриени од целокупното проучување на Врбјанска Чука, со што, покрај научните сознанија, ќе бидат истакнати уметничките и техничките достигнуваања на едни од првите земјоделци во Македонија.
Изложбата е сведоштво за убавините на секојдневниот и духовниот живот на населението на Врбјанска Чука пред 8 000 години.
