Награда за музика на монодрамата Делириум тременс во Ниш
Жирито на деветиот Нишвил џез театарски фестивал се определи да í додели награда за музика на монодрамата Делириум тременс од Благоја Ристески Платнар во иновираната изведба на актерот Игор Трпчески во продукција на театарската работилница Прилеп. Според жирито, музиката била посебно и иновативно интегрирана во изведбата на тричлениот бенд. Била нераскинливо врзана за различните нивоа на реалноста и свеста на протагонистите. Музичката изведба клучно придонела за динамиката на претставата во мера да се надмине впечатокот дека станува збор за соло перформанса.
