Вечерва на летната сцена од ЦК “Марко Цепенков” целовечерен концерт ќе одржи на етно оркестарот “Александар” од Виена.
Етно оркестарот “Александар” е првиот оркестар во историјата на Виена кој нуди инклузивен пристап и простор за секој музички ентузијаст, без разлика на родова, национална и било каква друга припадност. Идејата и мотивот кои ги сплотуваат се изучувањето и искусувањето на македонската традиционална музика. Визијата е истражување, зачувување и продолжување на богатата македонска традиционална музика и танц.
