Предадена е во употреба капелата кај старите градски гробишта по рчечиси две децении од почетокот на градбата. Здружението за заштита и обнова на старите градски гробишта Прилеп и Варош му го предаде објектот со комплетна инфраструктура на стопанисување на локалната самоуправа.
Градоначалникот Борче Јовчески изрази благодарност за упорноста на сите членови на здружението.
– Посветеноста минатите децении резултира со реализација на овој значаен објект. Општествената одговорност е пример за сите. Остануваат уште неколку административни постапки да ги заврши локалната самоуправа и ЈКП Комуналец, по што објектот ќе биде официјално ставен во функција – рече Јовчески.
Капелата располага со простор за одвивање само на една погребна церемонија. Објектот е со помал обем. Просториите се според стандардите. Располага со фрижидери за одржување на погребните останки. Градбата беше барање на граѓаните со гробни места на своите блиски на старите гробишта.
Инаку, инвестицијата е 120 илјади евра, вклучувајќи ја градбата, односно комплетното вложување.
Ова ќе биде втор објект од ваков тип по оној на Новите гробишта од 2015 година.
Со објектот ќе стопанисува Комуналец.
