Со исклучок на времето на Александар Македонски, Македонија секогаш била во пасивна положба. Затоа дозволуваме во Скопје да ни доаѓаат странци за да не советуваат.
Но, судбината не заборава и во неочекуван момент им ја доставува на експанзионистите сметката заедно со каматата. Пандемијата ја разголе Европа како неспособна, нехумана, несолидарна. И уште злобна, алчна и дволична. Особено таква се покажа ЕУ. Таа им забрани на членките да набавуваат руски и кинески вакцини. А Бајден не им дава вакцина додека не се вакцинираат Американците. И за ваква Европа и ЕУ да правиш компромиси со национален интерес, значи недостиг на зрелост, антинационално однесување, самоубиство.
Одбраната на македонскиот идентитет е дел од заедничките човекови вредности, зошто станува збор за право на секој народ за достоен опстанок. Безумно е да водиш дијалог со некој кој сака да те уништи. Придобиеното туѓо наследство им дава основа да го бараат туѓото наследство и надвор од државните граници. Ако една држава има историски претензии кон друга, тоа неминовно доведува до територијални претензии. Глупост е да ја посакуваш ,,иднината,, што никој не знае каква ќе биде, вклучително и лидерите на денешната ЕУ.
Судбината не ги сака слабите и плашливите. Потребни се лидери кои имаат храброст во Брисел да кажат дека Македонија има традиции и достоинство и нема да ги погази во замена за некакво членство. Нашите политичари историски треба да се дообразуваат за да влезат во политиката и да не го прокламираат своето незнаење во медиумите. На барањето на Грција и Бугарија, Македонија да ја усогласи историјата со грчките и бугарските претензии, ќе им кажеме – ,,Ние не сакаме да не сакате. Сакаме само да не ни пречите. Ништо не може да се измисли што нема корен. Историјата има задача да раскажува, а не да докажува. Историјата е сторија за она што се сторило,,.
Не е луд тој што го јаде зелникот, туку тие што им го дозволуваат тоа. Учеството во меѓународните организации и сојузи, какви и да се, е времана вредност. Името, пак е трајна вредност. И токму затоа е логично приоритет да се даде на трајната вредност. Да се чувствуваш Македонец и да имаш македонска самосвест е добро, но не и доволно. Треба и другите да те примат како таков. Со македонска историја, македонски споменици на културата, документарни сведоштва. Каков Преспански договор! Тоа е преспански заговор за уништување на Македонија. Да престанеме да мислиме дека името не е поврзано со идентитетот. Тоа го кажуваат луѓе со еродирано национално сознание. Историската незрелост е најголем проблем за дел од денешното македонско општество.
Поради мноштво чесни, Бог ја дава државата на еден народ, а поради мноштво нечесни, ја одзема. Не случајно во Израел се наоѓа Армагедон (планината Магедо) каде, според Библијата, ќе се случи последната битка пред крајот на светот.
ПРИМ. ДР. Б. ДАМЕСКИ
