Ин мемориам: Гоце Груевски – Чолако
На 46 години во далечната Австралија почина голманската легенда Гоце Груевски – Чолако. Бранеше за Младата и Сениорската репрезентација на Македонија, како и за повеќе клубови. Беше избран за најдобар спортист на Прилеп за 1999. Во Победа, каде беше капитен, некои мечеви не се забораваат. На турнирското финале со белградски Партизан одбрани пенал и даде гол од пенал. На меч од Интертото одбрани два пенала со словачката Озета. На дуелите со калчолигашот Перуџа Италијанците одвај дома дадоа гол од пенал, а на реваншот не можеа да го совладаат ни од зицер-шанси, па Победа остана непоразена.
Беше и голмански тренер.
