Со позитивните финансиски резултати, Извршниот одбор на Здружението на пензионерите, реши да се купи просторија за клуб за членството во Точила. Наместо да се плаќа кирија, ќе се обезбеди простор и пензионерите ќе имаат свое катче за разонода.
Одлуката ќе е валидна и за купување на други простории, ако се најдат можности и ако бидат финансиски прифатливи.
Заради намалениот обем на активности на културен, спортски и рекреативен план, паднати се и финансиските трошоци.
Пензионерите со примања до 12 илјади денари ќе добијат 50 отсто од трошоците за бањско – климатско лекување. Оние до 17 000 денари, ќе бидат субвенционирани со 30 проценти. Пензионерите со примања до 22 000 денари ќе добијат намалување на трошоците за 20 отсто.
