Општината Прилеп со Коалиција СЕГА, обезбедија од амбасадата на Кралството Норвешка донација од 22.780 евра за хигиенски производи, средства за дезинфекција, маски, безконтактни термометри, диспанзери за дезинфекција на рацете и печатен едукативен материјал.
– Средствата се дистрибуирани во сите основни и средни училишта, во детските градинки и домот за стари лица. Ќе се поделат и во центрите за лица со попреченост и во населбата Тризла, за корисниците на гарантирана минимална помош. Донацијата стигнува во вистински раце и во вистинско време, пред почетокот на учебната година”а – рече градоначалникот Илија Јованоски.
Според извршниот директор на Коалицијата СЕГА, Зоран Илиески, донацијата содржи 660 пакувања од средства за дезинфекција на раце, заштитни маски, од кои 10.000 за ромската популација, а 5.000 во училиштата, потоа 4.400 пакувања антибактериски течен сапун, како и по 4 безконтактни термометри за секоја институција.
Идната недела ќе се дистрибуираат средствата за дезинфекција и заштитни маски кај ромското население во Тризла 2. Ќе делуваме и со постери за подобрување на информираноста за заштитните мерки и превенцијата од коронавирусот – рече Илиески.