Штом ќе процветаат липите и мискоја ќе се расее низ центарот во јуни, претстои уништвување. И дење и ноќе, липовите цветови изложени се на невиден масакар од несовесните граѓани кои го гледаат само ситниот интерес за заработка.
На липите им го ,,соблекуваат,, цветното руво. Остануваат штрби стеблата, како со чифте изрешетени. Искубана им е крошната. Уништени. Куп искршени гранки… Од убавината не останава ништо… Само блед мирис на липовиот цвет и соголени гранки… Но, куртулуваат, оти се моќни. Победуваат со 70 годишните корења.
Кој да биде чувар и да се фати во костец со немилосрдните ,,берачи,, кои пустош оставаат зад себе!
