Медицинската сестра Даница Тренкоска и д-р Кристијан Богданоски, вработен во службата за Итна медицинска помош од Македонски Брод, се меѓу најхуманите прилепчани. Го победија КОВИД 19 и несебично даруваа крв да помогнат на останатите болни во борбата со коронавирусот. Со дарувањето на плазма како пациенти кои ја добиле битката со вирусот, може да спасат некој болен. Како здравствени работници ги покажаа посветеноста, хуманоста и алтруизмот. Постојано расте бројот на дарители на конвалесцентна плазма во Институтот за трансфузиона медицина, следејќи ги искуствата од другите земји за користење на конвалесцентна плазма во третманот на пациенти со Ковид-19.
