Во новото лето во кое штотуку зачекоривме, неделникот Зенит полни 10 години. Заокружувањето на првата деценија од појавата на медиумскиот простор со кој ја разбивме информативната темнина на 2 мај 2008 г., редакцијата ќе ја започне во ново руво. Најавуваме дека наскоро неделникот ќе биде со нов излед, во нов формат, дизајн и со повеќе црнобели и колор страници. Ќе понудиме и нови рубрики, занимливости. Секако централна тема ќе останат случувањата во градот и приказните за луѓето и случките кои се необични, интересни, несекојдневни. Базирани врз објективното и професионално новинарство, известувањето ќе го поткрепуваме со колор фотографиии. Ќе следат и други изненадувања!
Годината што мина ја крунисавме со новогодишен број отпечтен во неверојатен тираж дури од 6500 примероци, каков што посакуваат дури и државните дневни весниици!
Понатаму Зенит ќе биде критично око и синонимот за “петок”, како ден во седмицата, а неделникот во новото издание останува придружник за првото утриско кафе, хроничар на времето и архива која ќе можете да ја оставите на наследниците, затоа што електронските вести се бришат, а печатеното издание остава траен отпечаток. И впечаток!
