Спецификацијата за долговите и побарувањата кои Општината Прилеп ги имала кон разни добавувачи од земјата за периодот 1.1. до 31.12.2015 година, кои ги објави порталот Народен глас покажува дека се гледа рекламирањето на локалната самоуправа на чело со градоначалникот Марјан Ристески, не само што биле прилично дарежливи, туку не правела делба на медиумите.
Огромни пари собрани од даночните обврзници локалната самоуправа потрошила на локални и национални медиуми, а пари добивале и разни продукции. Така на пример, 1.095.859,00 денари и биле префрлени на „Вижн БМ ДООЕЛ Канал Визија”, 797.600,00 денари на „Зенит Прес Зум” ДОО, 767.954,00 добил „Вечер-Прес” ДООЕЛ, 417.368,00 „Радио Холидеј”, а колачот го пробале и „Врв ДООЕЛ НИП”, „Медија Принт МПМ Македонија”, „Канал 5 Телевизија”, „Лажани ТВ”, „РТВ Орбис”, „Радио 106″, „Радио 5 Чоки”, „Радио МЕФФ” и порталот „Маркукуле”. Буџетски пари користеле и продукциите „Авалон”, „Коха”, „План Б”, „Плус”, „Парамециум” ДООЕЛ, „Премиер” ДООЕЛ и „Фан Продукција” пишува порталот Народен глас, повикувајќи се на изворот Револуционер.мк
