Познатиот иноватор, пензионерот Живко Ширкоски, пак воодушеви со четири патентирани пронајдоци на интернационалниот салон на иноватори и на техношки пронајдоци во Скопје. Тој е награден со два златни, еден сребрен и еден бронзен медал. Медалите се виза, пронајдоците на прилепските иноватори да се презентираат на Архимедовата меѓународна изложба во Москва в година.
Членот на прилепското друштво на иноватори Ширкоски ги доби признанијата за универзалното балистичко заштитно средство, за мобилниот градобиен систем, за композитниот граничен прстен и, заедно со Зоран Тодороски, за неврофон, помагало за глуви и наглуви луѓе. Лаврите се позначајни, оти се добиени во конкуренција од 70 учесници од 11 земји.
