Седмоодделенците ги измерија знаењата по француски јазик. Најдобрите кои го познаваат правописот и изговорот, ќе ја продолжат битката на повисоко ниво, односно натпреварувајќи се со врсниците од регионот. На натпреварот меѓу учесниците од основните училишта најдобри беа: Елена Пилоска од ОУ „Гоце Делчев” која го освои првото место, Ксенија Андоноска од ОУ „Кочо Рацин„ застана на втората позиција, а Елена Митреска од ОУ „Гоце Делчев” беше трета.
– Натпреварувањето ќе го продолжат на регионалниот натпревар во Битола при крајот на ноември – вели Весна Трајческа, професор по француски јазик во СОУ Кузман Јосифоски Питу.
Натпреварувањето го организира Здружението на професори по француски јазик. Тестот по правопис и спелување на француски јазик се дел од случувањата кои асоцијацијата во соработка со Францускиот институт во Скопје и француската амбасада, ги организира за промоција на францускиот јазик и култура.
