Змотатата – адаптираниот џип на Нисан Патрол, со сопственикот Панчо Чупаркоски и навигаторот Лало Милошески го зазеде третото место на меѓународната трка Стара Загора – Трофи во Бугарија. Меѓу осумдесетина учесници од повеќе земји, прилепскиот екипаж покажа умешно возење на комплицираната патека, полна со изненадувања.
Во Стара Загора, на црпење искуства, имаше уште седум прилепчани кои рекреативно со четири џипа ја минале патеката за да ја задоволат страста и да се запознаат со колегите, мераклии на офф роуд возилата.
