Бесплатна објава
ОУ „Блаже Конески“ со две први места
Две први места освоија на стартот на новата учебна година учениците од ОУ „Блаже Конески“. Беа најдобри на евроскиот натпревар Топкарија во Загреб, а први беа и во Скопје за краткометражниот филм „Боксерска вреќа“.
Се славеше на Суперфиналето во Загреб. Го освоија првото место на Европско натпреварување – Жогарија 2017. Учениците од ОУ “Блаже Конески”, во конкуренција на 9 земји, и тоа Италија, Македонија, Словенија, БИХ, Хрватска, Србија, Австрија, Црна Гора и Унгарија, беа најдобри во спортски игри на мал фудбал, игри на вештини, “И Вие професоре”, квиз на знаење и настапот на балетската група “Нењ Генератион”. Ментори беа Борче Спиркоски, Тања Јованоска и Оливер Богојевски. Гордо го вееја македонското знаме.
– Во Загреб направивме бум! Докажавме како можеме да бидеме горди како Македонци и дека можеме да бидеме пред сите! Честитки добивме и од министерот за спорт и култура на Хрватска, со зборовите дека музиката и играта биле фантастични. Станавме идоли за хрватските деца, кои навиваа за нас.. Беше фантастично – велат од NEW GENERATION.
Првото место учениците го освоија и на конкурсот од Алгоритам Центар во Скопје. Осмоодделенците под менторство на Павлинче Ристеска Темелкоска беа најдобри во изработка на кусометражен филм насловен “Боксерска вреќа”.
Освоеното прво место на европското натпреварување и наградата за изработката на краткометражен филм донесоа куп честитки за учениците кои велат дека ова е само загревање во трката по нагаради која почна неодамна.
