Викендов
Првпат ќе се посети Мелничката пештера. Настанот е дел од манифестацијата „Mariovo off road experience” што ќе се случува викендов, а во која учествува и спелеолошки клуб ЗЛАТОВРВ.
– Учесниците ќе имаат можност да се запознаат како се истражува една пештера и какво е необичното мистериозно доживување, авантурата, полна со неизвесности – вели Марјан Темоски, член на Златоврв.
Според Дарко Неданоски, кој е докажан македонски спелеолог, адреналинот расте и чуството е прекрасно кога се наоѓаш некаде далеку во длабочините на пештерите, во утробата на земјата. Таков е примерот со експедицијата која опфатила спелеолошки истражувања на доста тежок терен на Велебит во Хрватска. Активно учествува во повеќе спелеолошки истражувања во Македонија и странство, како и во обуки и вежби за спасување во пештери во соседните држави.
