ОУ “БЛАЖЕ КОНЕСКИ”
Повторно со злато ја крунисаа напорната работа членките на групата Нењ Генератиион од ОУ “Блаже Конески”. Тие од Куманово се вратија со прво место на Државното натпреваруавање под менторство на лиценцираниот член на Македонската асоцијација на модерни танци, Оливер Богојевски.
– Алал да Ви е! Горда сум на вас и пресреќна. Секогаш ја имате поддршката. Гордост сте за ОУ “Блаже Конески” и за градот! Секоја чест девојки и маестро Оливер Богојевски – напиша на ФБ профилот директорката Марија Дулевска по успехот на учениците.
Ова е втора победа за танцувачката група. Неодамна и на Меѓународниот натпревар “Интерданце фестивал 2017” во Сараево, учениците го освоија првото место. Групата Нењ Генератиион во модерните танци беше најдобра меѓу натпреварувачи од Б и Х, Србија, Македонија, Хрватска, Словенија. Со посетата ги запознаа знаменитости во Сараево, како Врело Босне и Баш Чаршија, Дрвен град Мечава. Ја открија и Будва како дел од дестинацијата…
Тимот посветено вежба за да ниже нови резултати, успеси и победи.