Изложба
Изложбата „Импресии“ од 18 дела од уметницата Валбона Атанасковска ќе биде отворена вечерва од 20 часот во ликовната галерија на ЦК „Марко Цепенков“. Станува збор за атрактивно пренежување на впечатоци од патувања. Уметницата вторпат се претставува во Прилеп.
– Атанасковска е графичар посветен на сликарството. Преокупирана е со пејзажи, портрети и акти. Делата се сеќавања полни со светлина и топол експресионистички сјај на бојата. Преовладуваат живите колористички созвучја и експресивната модулација – вели Владимир Величковски.
Таа е дипломиран сликар од ФЛУ во Тирана.
