Центарот за култура „Марко Цепенков“
Последниве десетина години ЦК „Марко Цепенков“ е носител на културните и уметничките креации. Реализирани се 370 изложби, девет години успешно опстојува ликовната колонија Дрен и одржани се околу 200 концерти на врвни ансамбли, музички групи и солисти од земјава и од странство. Ансамблот на театарот прикажа 40 премиери и оствари бројни гостувања на врвните фестивали во Љубљана, Сараево, Букурешт, Бугарија, Црна Гора, од каде се врати со престижни и значајни награди. Лаври доби неколкупати на МТФ ,,Војдан Чернодрински,,. Ангажирани се професионални актери, режисери и драматурзи за комплетирање на театарскиот ансамбл. Вложени се доста средства во инфраструктурата. Обновена е фасадата на зградата на Домот на културата, препокриен е театарот, се реновираа санитарните јазли. Се препокри дел од објектот на Центарот за култура, профункционира киното Мис Стон и се реновира големата сала по 35 години. Лани е оспособен нов изложбен простор – галеријата ,,Борко Лазески,,. На членовите на ДЛУП им е овозможено да творат во ликовно ателје. Се води грижа за Младинската драмска сцена.
Во следниот период со поддршка на ЛС се планира градба на нов театар, од репрезентативен карактер и комплетна реконструкција на зградата на ЦК „Марко Цепенков“.
