Чевли, кикиритки, печатени материјали излегуваат од некогашната фабрика за преработка на сурови крзна, позната под името Зибијата покрај долниот дел од Градската река. Во објектот се штавувале кожи и крзна на говедата, овците, козите, јагнињата, па и од свињите. Одамна е напуштена дејноста на објектот за која бил граден. Загубена е функцијата. Последните социјалистички остатоци сметаа дека просторот е соодветен за фабрика за чевли. И таа бранша ја изеде транзицијата.
Сепак објектот ја зачува носечката архитектура и со корекциите на фасадата и внатрешноста, за да сведочи на времињата што изминале.
