Дарко Тофилоски
Голманот Дарко Тофилоски (30) ја смени клупската средина. Од досегашниот Ружомберок се сели во Дунајска Среда, што значи дека останува во Словачка. Потписот е на една година, со можност за продолжување на уште една.
– Имав изгледи за втора и трета лига во Германија и Полска, ама не ми се чека повеќе. Лани така чекав, чекав и дури последната шанса ја најдов во Ружомберок – вели голманот.
Веќе седма година е во Словачка. Најдолго, пет години беше во Кошице, потоа во Ружомберок. Тимот на Дунајска Среда е седмопласиран. Истоимениот град е во близина на границата со Унгарија, во регионот Трнава.
– Осумдесет отсто се Унгарци. Позната ми е лигава и како се редат сезоните се подобар сум таму. Направив добар избор – рече Тофилоски.
Словачката лига стартува во средината на јули.
