Гимнастика
Макотрпната работа на тренерот Златко Ангелески раѓа плодови. Излегуваат на сцена нови таленти, шампиони од клубот Партизан Соколи. На Државниот натпревар од А лигата во Битола освоени се медали со новите генерации гимнастичари. Екипно прво место зедоа помлади пионери во состав: Михаил Митрески, Матеј Тасески, Леонардо Стојчески, Јаков Ангелески, Марио Столески и Андреј Јованоски. Поединечно сите тројца се прилепчани, првиот Михаил Митрески, вториот Матеј Тасески и третиот Леонардо Стојчески. Најдобри се меѓу 34 учесници. Кај постарите пионери Дамјан Атанасоски одлично извежба за високото четврто место. Кај постарите пионерки и Теа Манеска се покажа со освојување на второто место. Најзвучното име на натпреварот, Дино Бошњак, кај сениорите беше како професор пред ученици, убедливо прв. Кај сениорките, триумф на Ивана Јанкоска – прва, Мартина Јездиќ – втора.
Јанкоска освои трето место на Меѓународниот турнир во Вуковар, Хрватска.