ГРАФИЧАРИ НА ПРАКСА ВО ШПАНИЈА И ГЕРМАНИЈА

СОУ „Ристе Ристески – Ричко“

Moznost za megunarodna praksa za najdobrite maturanti

Петмина најдобри матуранти од графичката струка од СОУ „Ристе Ристески – Ричко“ летово ќе ги усовршуваат практичните знаења и вештини во странство. Владимир Трендафилоски, Ивана Костадиновиќ и Јованче Дамчески ќе престојуваат во Лорка, Шпанија, а Борче Василески и Филип Славески во Берлин, Германија. Ќе бидат на меѓународен фестивал за цртање на графити, ликовни дела, изработка на видео записи и фотографии како дел од проектот во соработка со младинската Инфо фронт преку Еразмус+.

Во меѓувреме графичкиот актив организираше конкурс за „Најдобар постер“. Меѓу 50 учесници, покажувајќи не само креативност, туку и вештини од фотошоп и други програми, најдобар беше Петар Петрески, втор Божидар Чурлиноски и трет Диме Христоски.

– Ќе спроведуваме акции, конкурси, изложби за учениците да ги покажат знаењата и вештините. Наградите се мотив за креативност за дизајн и фото секциите – вели професорот Александар Костадиноски.

Победничкиот постер ќе се користи за рекламен материјал за упис на нови средношколци.

Loading