Пинг – понг: Поради неисправни документи на скопјаните
Неочекувана разврска во пингпонгарската Прва Лига. Екипата на Младост 96 го доби службено натпреварот со лидерот Ѓорче Петров во Скопје и на табелата се искачи на првото место. Службениот резултат бил поради две причини.
– Младост го прекина натпреварот поради неспортско однесување на домашните и непоседување на лекарски прегледи за играчите. Првото место е голем успех за овој состав – вели тренерот – играч Златко Рикалоски.
Настапуваа уште: младите Александар Рикалоски, Антонио Стомнароски, Христијан Иваноски и најискусниот Методија Иваноски. Во наредното суперлигашко првенство ќе има градско дерби Младост-Младост 96.
