Пинг – понг
По пауза од пет години, пингпонгарите на Младост 96 се вратија во својата сала зад ДТЦ Партизан. Тука имаат можност за редовни тренинзи, натпревари и за посети на симпатизерите. Најавена е и обновата на пионерската школа.
Во Првата лига се одигра меч од 10. коло. Младост 96 со 5-3 го совладаа Студент од Скопје. Во отсуство на Александар Рикалоски, триумфот го донесоа Златко Рикалоски, Антонио Стомнароски и Методија Иваноски. Со двата бода екипата останува на второто место, кое води до баражот за Супер лигата. Наредното коло е дуелот дома со Дебар Маало од Скопје.
