В недела в театар
Ансамблот на театарот в недела без пари ќе ги одигра претставите за деца, „Како се станува цар“ и „Волшебникот од Оз“, по повод меѓународниот ден на театарот за деца. Од 12 часот е претставата „Како се станува цар“, во која актерите играат приказна за малиот свет на инсектите на царот Дувниветре. Претставата ги афирмира човечките вредности на љубов, другарство, дарежливост, искреност. Играат Најдо Тодески, Виолета Чакарова, Зоран Иваноски, Марија Спиркоска – Илијоска, Наташа Наумоска, Ангела Наумоска, Димитар Георгиевски и Михајло Миленкоски.
Од 17 часот децата ќе може да уживаат во бајката за другарството, “Волшебникот од Оз”. Претставата е мултимедијална, во современ стил, со многу музика, кореографија и актерска игра. На сцената ќе играат Марија С. Илијеска, Александар Тодески, Наташа Наумоска, Ангела Наумоска, Димитар Вандески, Илија Волчески, Михајло Миленкоски…
Инаку, возрасната публика вечерва од 19.30 часот ќе може да ја проследи “Премиера во…”, а утревечер “Човекот кој не знаеше да каже не”.
