ДАНОСКИ ПРЕД ПРЕМИН ВО ПОБЕДА

Фудбал

Moment od mecot Pobeda - Vardar NegotinoПобеда може да добие големо засилување за пролетниот дел доколку се приклучи Зоран Даноски – Шукер, досегашен член на прволигашот Металург. Работата околу трансферот не била завршена, но навивачите се надеваат дека сé ќе биде според желбите. Има информации дека веќе присуствувал на тренинг, а го следел и пријателскиот меч со неготински Вардар. Не треба да се трошат зборови, се работи за врвен квалитет на шпиц-голгетер, кој беше незадржлив и ги зашеметуваше прволигашките одбрани во Чешка.

Во тест-дуелите, досега Победа двапати победи, 1-0 со голот на Митрески против Младост ЦД и 2-1 преку И. Мирчески и Х. Петрески со Вардар Н. Претходно играше нерешено 0-0 со Младост Лучани и 1-1 со голот на Дунимаглоски против Металург. Следен меч е в недела во Охрид со српскиот суперлигаш Радник од Сурдулица.

Потсетуваме на шестемината новодојдени К. Ристевски (Силекс), Ј. Наумоски (Металург), Х. Петрески (Гостивар), С. Иваноски (Тетекс), Д. Димитриоски (Пелистер) и Н. Тодороски (Австралија).

Loading