СОУ „Ѓорче Петров“
За Бранкица Мијаческа, ученичка во СОУ „Ѓорче Петров“, под менторство на Слободан Петкоски, после неколку успешни докажувања на знаењата по хемија, претстои можност за натпревар и на Меѓународната хемиска олимпијада во Карачи, Пакистан. Лани таа успешно се справи со предизвиците на општинскиот, регионалниот и државниот натпревар, па и на последниот – Македонската олимпијада каде покажувајќи високи резултати, влезе во најтесниот круг за подготувка за Меѓународната олимпијада. Во следниов период, Мијаческа меѓусебно ќе се натпреварува со 12 најдобри хемичарки од државава и ќе се бори да обезбеди билет за Пакистан заедно со други тројца.
