Нов, ултра модерен објект на Жито Прилеп
– Духот на големите градови во локалната средина
– Збогатена 60 годишната традиција
Уште едно блескаво камече сјае на ѓерданот објекти на Жито Прилеп. Шестдецениската традиција на компанијата е збогатена со нов бутик за бели печива, создаден за пребирливите вкусови, кои ги пробале западните рецепти и американските ароми, и останале без здив. Повеќе никој не треба да мечтае за американските формули за подготовка на печива, зашто компанијата, чиј сопственик е нашиот сонародник со американска адреса Ѓорѓија Џорџ Атанасоски, ги постави во витрините во објектот во центарот на градот свежи и од фурна штотуку извадени. Мискојната миризба ги опива и ситите. Не одолеваат ниту штотуку станатите од трпеза. Лижат прсти и диеталците…
Квалитетно кафе, автентична американска крофна со бели или црни чоколадни трошки и мајсторски подготвена пица, полека, но сигурно, стануваат секојдневие на прилепчани. Свежо подготвени и гарантирано вкусни ќе ги најдете во новоотворениот бутик за бели печива на Жито Прилеп во центарот на градот. Ултра модерен и современо уреден во американски стил, новиот продажен објект нуди сосема нов и иновативен концепт на уредување на продажниот простор во насока на промена на искуството и перцепцијата на прилепчани за тоа што значи да се јаде квалитетна храна во одличен амбиент.
– Ова е прв и единствен објект од ваков тип не само во Прилеп, туку и пошироко во регионот. Начинот на презентација на производите е по примерот на светските водечки компании и се заснова на изложување на производите и нивно врзување за еден атрактивен концепт – вели Николас Ататнасоски, сопственик на компанијата.
Тој вели дека виденото во Америка сега го пренесува тука.
– Не станува збор само за оригиналниот рецепт за американски крофни, за пицата или за кафето, туку и уредувањето и амбиентот што се чувствува. Сега не треба да отидете во Америка да се чувствувате Американец. Доволно е да нé посетите и да го забележите ведриот дух и гостопримството во оригинален амерички стил – порачува младиот Атанасоски.
Крофните со бели и црни чоколадни трошки и полнетите со ванила фил стануваат ултра популарни низ целиот град. Се јадат и дење и ноќе и одлични се со американско кафе. Пицата, пак, е така погодена што е неизбежен оброк после секое вечерно излегување или куса прошетка низ градот.
– Идејата, ставена на хартија, само за два месеца се претвори во вистинско ремек дело. Со отворањето на новиот продажен објект животот во градот ќе биде многу поквалитетен и поубав, а неговите содржини ќе му дадат една нова димензија на купувањето бели печива и леб за сите потрошувачи. Сакаме прилепчани да се гордеат со брендот Жито Прилеп кој повеќе од 60 години е присутен на пазарот – вели Атанасоски.
Посочува дека Прилеп расте во духот на големите градови, а новиот продажен објект со својата функционалност, естетско и севкупно значење е од голема важност за него.
Новиот продажен објект на Жито Прилеп ќе функционира 24 часа.