Од први октомври почнува електронското поврзување на катастарот и одделението за имотно-правни работи за побрза постапка во решавањето на предметите во интерес на граѓаните.
– Ефикасноста во прилепскиот катастар се гледа од примените над 84.000 предмети, од кои не се решени само неполни сто. Паралелно, при крај е комплетната дигитализација – изјави директорот на Агенцијата за катастар на недвижности, Славче Трпески, кој најави и реконструкција првин на фасадата, а потоа и на целиот објект на катасатарот.
Тој ги повика примателите на социјална помош да поднесат барања за бесплатна изработка на елаборатите за легализација.
Директорот на Управата за имотно-правни работи, Зоран Крстаноски, оцени дека прилепското одделение е ефикасно со приватизацијата на земјиштето. Одделението примило преку 19.000 предмети, од кои за решавање се уште 6.800.
