Носење на вода на повисоки и тешко достапни терени да се заштитат објекти од културно – историско значење при евентуални пожари беше показната вежба, изведена од пожарникарите од Прилеп и Битола, војската и Центарот за обука на пожарникари од Битола пред манастирот Св. Архангел Михаил.
Опремата е високо софистицирана. Овозможува дотур на вода каде не стигнува возило, на најкритични и најнепристапни места, зафатени од оган.
– Испробуваме техники за заштита со вода од евентуален пожар на манастириот Св. Архангел Михаел. Вежбата покажа дека за неполни 14 минути се однесе вода на 100 метри надморска височина – рече командирот на ПП единицата, Станко Колески.
– Ја испитавме подготовеноста на ПП единицата, армијата и на сите чинители со новата опрема – рече градоначалникот Марјан Ристески.
Единиците за заштита од пожари пред почетокот на летната сезона редовно тренираат и се обучуваат за дејствување и заштита, а и за ублажување на последиците од огнени стихии.
