Витаминка се претстави со раскошната палета на производи на Меѓународниот трговски саем за прехранбени производи во Шангај. Во промовирањето на најголемиот македонски производител на кондиторски производи, во Кина се вклучи и македонската манекенка, Елена Шахинова, која веќе неколку години работи во Шангај како заштитно лице на Викторија Сикрет за Кина.
– Влегувањето на Витаминка на кинескиот пазар е од исклучително значење за глобалното ширење на компанијата. Во овој светски економски центар присутни се врвните брендови од целиот свет и ако тука успеете, тоа значи дека располагате со целосно изграден производ, со квалитет, препознатливост и идентитет – изјавија од компанијата.
Витаминка го извезува речиси половина од производството.
