Ансамблот на театарот со претставата ,,Буре барут“ од Дејан Дуковски, во режија на Наташа Поплавска ќе го отвори Фестивалот на камерна сцена во Враца. Гостувањето е со поддршка на Министерството за култура. На 26. издание на фестивалот нашиот театар е во друштво со колеги од Бугарија, Србија, Хрватска, Словенија, Романија и Русија.
Публиката ќе има можност да ја проследи претставата во која Поплавска режисерската поставка ја канализира во правецот на покажување на љубовта и емоциите и го поставува прашањето Зошто.
Претставата ,,Буре барут“ ја гледаа и во Црна Гора, на фестивалот на глумци во Никшиќ, од каде Даниела Иваноска се врати со награда.
