Чудо во црквата Св. Благовештение
Мироточи иконата на Свети Никодим Прилепски и Тимански во храмот Св. Благовештение. Чудото се случи на Благовец, на празнувањето на Благовестието на Пресветата Богородица. Мироточењето било забележано на 30 март, а на Цветници почнала да благоуха. Се работи за неколку капки, кои во почетокот биле мали, но со текот на времето се зголемувале сé повеќе и повеќе. Станува збор за копија на иконата зографисана во Зрзевската иконописна школа од страна на монахот Тихон. Копијата е изработена од чтец Стеванче Тодороски, прислужител во храмот Св. Благовештение.
Ова е прва икона на преподобниот Никодим Прилепски и Тисмански, која мироточи во градот. Благата вест за мироточењето на иконата, пред верниците, беше објавена на храмовата слава од страна на Неговото Високопреосвештенство, митрополитот Преспанско – Пелагониски г. Петар. Веднаш после литургијата, иконата беше поставена во средината на храмот на која се поклонија најнапред свештенослужителите.
Голем број верници доаѓаат да го видат чудото во стара црква.