Бесплатна објава
Ансамблот на театарот вечерва од 19.30 часот ќе ја прикаже претставата “Погребални игри” за Светскиот ден на театарот. Ќе се прочита светската порака за театарот од режисерот на театарски претстави и опери, полјакот Кшиштоф Варликовски, во која вели дека на публиката í посакува театар кој почнува во длабочината на вистината и го наоѓа крајот во необјаснивото.
Во македонската порака на младата режисерка Нела Витошевиќ, се вели дека театарот во кој што се верува, отсекогаш бил и останува поле за жестока дебата на проблемите во општеството.
– Тој треба да биде радикален во ставовите и критичен во мислата. Да создава светови и да нуди решенија. Да ја открива вистината, да ги коментира и истакнува девијациите. Тој е слободна зона во која вирее креативноста и иновативноста. Го отсликува скриеното, вистинското лице на светот и ја црпи инспирацијата од него, овозможувајќи му да се спознае и да ги редефинира своите вредности – смета Витошевиќ.
Ова е трета изведба на англискиот црн хумор.
