Со Роман во Белград
Околу 1500 прилепчани, страсни љубители на моќни машини, главно со агенцијата Роман отидоа да си ги плакнат очите со најновите модели на автомобили и мотори на саемот во Белград. Над 50 премиери на автомобилски убавици претставија БМВ, Јагуар, Тојота, Пежо, Ландровер, Хонда, Цитроен, Шкода, Рено, Форд, Хундаи… Рај за очите беше и халата со најновите дизајни на мотоцикли.
Спектаклот беше единственото место на кое на мажите им е дозволено да плачат од среќа, а жените без срам да го посакаат најлудото возење. Меѓу сите импресии неизбежни беа и хостесите кои “намамуваа” да се купи или барем да се “проба” некоја од машините.
