Прилепските велосипедисти од “Критичната маса” се приклучија во “спасувањето” на Земјата. Ги јавнаа велосипедите, поддржувајќи ја светската волонтерска еколошка акција “Часот на планетата Земја” и извозија рута од 7 километри низ градот. Организирани во група, привлекуваа внимание во сообраќајот, испраќајќи порака дека користењето на велосипед за превозно средство, наместо автомобили, е еден од начините да се заштити планетата од загадување и уништување.
В сабота, акцијата ќе биде уште помасовна кога милиони луѓе низ светот еден час ќе останат без струја и симболично ќе влијаат да се поткрене свеста за опасноста што ја демне Земјата.