Прозно ликовен перформанс во необична атмосфера ќе се случи утревечер од 17 часот во кафулето Тејк фајф. Ќе се промовира книгата раскази “Роб на ноќта” од Миле Трајкоски и ќе биде отворена изложбата на слики од Маја Џордано.
Дебитантското дело на Трајкоски содржи преку 14 раскази каде се пренесува крикот за чиста и совршена љубов. Според писателот Трајче Крстески, Трајкоски пишува впечатливо, не само во чисто естетска и наративна смисла, туку и продуховено, искрено.
Користејќи алтернативни простори за изложби, уметницата Маја Џордано ќе се претстави со 15 графики и слики масло на платно на различни теми.
