Нашата уметница Билјана Бинчев, заедно со Новица Трајковски, се претстави на изложба во Кратово, на манифестацијата “Во слава и чест на Св, Ѓорѓи Кратовски – 500 години од упокојувањето”, организирана од општината и Музејот на Кратово.
– Со икони сликани во византиски ликовен манир се убава можност во духот на празнувањето да се оддаде почит на светителот и да се приреди и ретко естетско и духовно доживување. Станува збор за 20 дела масло на дрвен носач. Карактеристично е што дрвената подлога има неправилна форма, што следи структура на дрвото. Делата рефлектираат животен ентузијазам и енергија, кои ги поседувам како личност, нудејќи сопствен оригинален ликовен израз и уметничка инвентивност, паралелно со впечаток на непосредност и искреност кој го оддаваат моите икони – вели Бинчев.
Таа слика светители кои не често влегуваат во стандардниот македонски иконописен репертоар.
