ОУ “Рампо Левката” се вклучи со донации за настраданото население од поплавите. Учениците се одѕваа на повикот за хуманост преку донирање на вода за пиење и средства за хигиена, она на што најмногу се апелираше и е потребно за поплавеното население.
Да се помогне некому во тешка положба и да се искаже поддршка и солидарност беше најголемиот мотив за учениците. Затоа и акцијата мина успешно. Собраните средства беа транспортирани во општинската организација на Црвениот крст.
И учениците од ОУ “Кочо Рацин”, донирајќи вода и средства за хигиена дадоа придонес да им помогнат на своите врсници и нивните семејства од поплавените подрачја.
