ОУ “Рампо Левката”
Учениците од ОУ “Рампо Левката”, како едно од шесте училишта од државава за проектот “Зелени училишта, Почиста околина, Поздрав живот 2013-2015” од организацијата ОХО, од септември се вклучија во неколку еколошки акции, како селектирање на отпад, заштеда на електрична енергија и други активности. Заради ангажираноста на училиштето доби донација која се искористи за набавка на канти и корпи за селектирање на отпадоците. Учениците не чекаа ни две, ни три, и веднаш ја покажаа еколошката свест, собирајќи го отпадот од дворот и распределувајќи го соодветно во новите корпи, означени за хартија или за најлон и пластика.
Проектот ја поттикнува свеста за селектирање на отпадот, создавање на еколошки навики и зачувување на животната средина.
