Ниту врнежливото време не ги поколеба четириесетина планинари од Картуш да изведат марш до месноста Ножот, каде што во 1907 година се одиграла една од поголемите битки во историјата, а за која и песните пеат “меѓу Ракле и Никодин се зададе темен облак”. Покрај планинарење се посетуваат и значајни локации од историјата, од кои младите осознаваат за минатото и ги јакнат патриотските чувства. Од Ножот, планинарите “наминаа” до селото Ракле, завршувајќи го маршот во селото Топлица.
В недела планинарите имаат нова авантуристичко истриска рута. Од Расинбегов мост во Мариово, ќе го “освојуваат” селото Чаниште и ќе се поклонат на гробот на Толе Паша во селото Крушевица.