Во Тутунскиот комбинат
Околу 300 вработени во Тутунскиот комбинат кои ги исполнуваат условите, ќе може со отпремнина до 15 илјади евра да го окончаат работниот век и да заминат како технолошки вишок. Деновиве се очекуваат деталите за поволностите.
Социјалниот пакет е атрактивен. Се очекува бенефициите да ги искористат дел од вработените, без да останат на улица во услови на превработеност. Бордот на директори и синдикатот веќе постигнале договор. Се очекува владина виза и работниците да потпишат договори доброволно, со отпремнина, да бидат прогласени за технолошки вишок. Менаџментот и Владата ја потврдуваат грижата за вработените.
Во Комбинатот работат околу 970 работници.
