Отстранета е пронајдената артилериска граната од Првата светска војна, тешка околу 50 килограми кај индустриската зона Металец. Според Дирекцијата за заштита и спасување, гранатата безбедно ја извадил пиротехничар и ја складирал во магацин за уништување.
Неодамна на истиот терен се пронајдени седум запалки за гранати, кои биле однесени во депо.
– Безбедно се отстрануваат експлозивните направи за да се заштитат изведувачите – вели Стеван Петрески, раководител на Дирекцијата за заштита и спасување.
Годинава се откопани повеќе гранати од различни калибри и рачни бомби од Првата светска војна.