Јавноста ја запознаваме со игнорирачкиот однос на ФК Победа ј. кон нас како навивачка група. Започнува со завршувањето на бараж натпреварите за Втора лига, после паричната казна од ФФМ и забраната за играње на свој терен без публика на четири меча, наводно за нашето непримерно однесување во Штип на дуелот со Влазерими. Ние цело време навивавме спортски и коректно, но во еден момент бевме испровоцирани од гостинската клупа кои фрлија шише кон нас. За чудо, наместо тие да бидат опоменати и казнети, полицијата се нафрли врз нас и почна да нé тепа. Тие се прописите и ФФМ, виновникот го виде во нас и ја казни Победа ј. Срамно! Казната не е веродостојна на случувањата.
Следуваше игнорирањето на Управата на Победа ј. Не сме штетни и не сме “хулигани и вандали”. Нé одбиваа за финансиски средства за маици и реквизити. А клубовите низ Европа како Легија, ЦСКА Москва, Партизан кога плаќаат огромни казни не се откажуваат од навивачите, кои се светост.
Не се откажуваме од Победа и ќе í помогнеме да се врати во врвот на македонскиот фудбал.
Навивачка група Мајмуни