Прв младински музички фестивал ,,Cover Fest”
Апсолутен победник на првиот младински музички фестивал ,,Cover Fest” беше Ангела Ѓуричанин со изведбата на песните “Listen” od Beyonce и “Бато” од Калиопи. За освоеното прво место од жирито, доби авторска песна од Игор Џамбазов, а наградата од публиката и донесе песна од уметничкиот директор на фестивалот, Душко Темелкоски во соработка со Р-мјузик студио.
Во полната сала на ЦК “Марко Цепенко”, второ и трето пласираните од жирито и публиката, Теодора Зероска и Озген Сулејманоски, како и Марио Ангелевски и Михаела Пееска, добија снимање на песна во кавер верзија. Учествуваа 14 млади уметници, не постари од 21 година.
